Putin: "Rossiyaning bir o‘zi butun boshli G‘arbga qarshi turibdi"

Rossiya prezidenti Vladimir Putin Rossiya kollektiv G‘arbga qarshi yakka o‘zi turishini aytdi.

"Rossiya butun kollektiv G‘arbga qarama-qarshilikda mohiyatan yolg‘iz. Bu vaziyatning aynan shu ma’noda rivojlanishi mumkinligiga jiddiy munosabatda bo‘lishni talab qildi", dedi davlat rahbari "Rossiya. Kreml. Putin. 25 yil" hujjatli filmida.

Uning ta’kidlashicha, 2000 yillarning boshidan beri G‘arb makkorona ish tutayotgani ayon bo‘ldi: u bir narsani aytadi va butunlay boshqacha qiladi. Putinning so‘zlariga ko‘ra, bu "sivilizasiyalashgan" dunyo tarixiy Rossiya - Sovet Ittifoqi parchalanib ketgan va uning qolgan qismlarini tugatish kerak, degan qarorga keldi.

"Ularning eng kattasi Rossiya Federasiyasi bo‘lib, uni ham 4-5 qismga bo‘lish kerak. Men mamlakat kelajagi uchun mas’ul bo‘lganman va, albatta, bu hech qachon sodir bo‘lmasligi uchun ishlay boshladim", — dedi Putin.

U 2007 yilda Myunxen konferensiyasida Rossiya suveren va mustaqil bo‘lishi yoki umuman bo‘lmasligi haqidagi g‘oyani G‘arbga yetkazmoqchi ekanligini ta’kidladi.