AQSh prezidenti Donald Tramp ma’muriyatining Ukrainadagi urushni tinch yo‘l bilan hal etish rejasi chet el matbuotiga sizib chiqdi.
Britaniyaning "Daily Mail" nashri xabar berishicha, Trampning rejasi Moskva va Kiyev o‘rtasida 20 aprelda sulh tuzishni nazarda tutadi.
"Daily Mail" ta’kidlashicha, Tramp Zelenskiyni Rossiya bilan muzokaralarga kirishishga va 20 aprel - Pasxa bayramigacha o‘t ochishni to‘xtatish to‘g‘risidagi shartnomani imzolashga ko‘ndirmoqchi. Yakuniy tinchlik bitimi esa biroz keyinroq, ramziy ma’noda - 2025 yilning 9 mayiga qadar imzolanadi.
