Ukrainada uchinchi zavodimizni qurishga tayyormiz

Bu haqda Rheinmetall mudofaa konserni rahbari ma’lum qildi

Armin Papperger bu haqda Myunxen xavfsizlik konferensiyasi doirasida DW nashriga bergan intervyusida aytib o‘tdi.

"Bizning strategiyamiz — Ukrainada uchta zavod qurish, bu urushga bog‘liq emas. Ukrainada ishga tushirilishi rejalashtirilayotgan uchinchi zavod zenit tizimlarini ishlab chiqarishga ixtisoslashishi mumkin", — deya aniqlik kiritdi Papperger.

Rheinmetall rahbari, shuningdek, AQSh tomonidan Kiyevga ajratiladigan yordam noaniqlik kasb etayotgan bir paytda, konsern ishlab chiqarish quvvatlarini oshirishga tayyorligini ta’kidladi.