"Ukraina Rossiyaga zarba berish uchun AQShning ruxsatiga muhtoj emas"

Zelenskiy Kanada bosh vaziri Mark Karni bilan matbuot anjumanida jurnalistlarning savoliga javob berdi.

Ukraina prezidenti Vladimir Zelenskiy Pentagon Kiyevga Rossiya hududiga hujumlar uchun Qo‘shma Shtatlarning ATACMS raketalaridan foydalanishni taqiqlagani haqidagi xabarlarga shunday izoh berdi.

"Biz Ukraina mudofaa sanoati korxonalarida ishlab chiqariladigan uzoq masofali qurollardan foydalanyapmiz. So‘nggi paytlarda biz AQSh bilan bunday masalalarni muhokama qilmayapmiz. Qachonlardir shunday bo‘lgan. Energetikamizga qilingan hujumlardan so‘ng javob zarbalarimizga turli signallar berilganini eslaysiz. Bunga ancha bo‘ldi. Bugun buni eslamaymiz ham", — dedi Zelenskiy.