Ukraina raketaga qarshi tizimlarni o‘zida ishlab chiqarmoqchi, biroq...

AQSh Ukrainaga raketaga qarshi tizimlarni ishlab chiqarish uchun lisenziya bermayapti. Bu haqda Ukraina prezidenti Vladimir Zelenskiy shikoyat qildi, deb xabar bermoqda Ukrainaning «Novosti.Live» nashri.

Uning so‘zlariga ko‘ra, Kiyev raketaga qarshi tizimlarni ishlab chiqarishni yo‘lga qo‘yishi uchun faqatgina tegishli lisenziyani qo‘lga kiritishi zarur.

«Men bu masalani [Qo‘shma Shtatlarning] avvalgi ma’muriyati bilan, ushbu raketalarni ishlab chiqaruvchilar, sheriklarimiz, NATO rahbariyati va AQShning amaldagi ma’muriyati bilan muhokama qildim. Hozircha lisenziya olganimiz yo‘q», — dedi Ukraina yetakchisi.