Ukraina polisiyasi xodimlari harbiy yoshdagi erkaklarning mamlakatdan noqonuniy chiqib ketishi bo‘yicha davom etayotgan tergov doirasida butun mamlakat bo‘ylab 200 ta qidiruv ishlari olib borayotganini ma’lum qildi.
"Milliy polisiya kuchlari armiya xizmatiga yaroqli bo‘lgan Ukraina fuqarolarining chegarani noqonuniy kesib o‘tish holatlari bo‘yicha 200 dan ortiq qidiruv ishlarini amalga oshirmoqda," deya ta’kidlandi milliy polisiya bayonotida.
Juma kuni e’lon qilingan reydlar huquqni muhofaza qilish organlari tomonidan o‘tgan hafta boshlangan umummilliy tergovning navbatdagi bosqichi hisoblanadi. Ilgari polisiya 600 ga yaqin uy-joy, ofis va boshqa joylarni tekshirgan edi.
18 yoshdan 60 yoshgacha bo‘lgan erkaklarga Ukrainani faqat alohida hollardagina tark etishga ruxsat beriladi. Hozirgi kunda armiya 25 yoshdan oshgan fuqarolarni harbiy xizmatga chaqirmoqda. Harbiy xizmatdan bo‘yin tovlash uchun ko‘plab erkaklar chegaradan chiqish uchun pora berishga urinmoqdalar.
Kanada AQShga zarba berdi
"Ko‘rinmas" rus dronlari Ukraina artilleriyasini mazax qilmoqda
Xitoy Avstraliyani o‘rab oldi
