Ukraina "muqarrar ravishda" bo‘linib ketadi

Ruminiya prezidentligiga o‘ta o‘ng nomzod Ukraina "muqarrar ravishda" bo‘linib ketishini aytdi.

Ruminiya prezidentligiga nomzod, o‘ta o‘ng siyosatchi Kelin Jorjesku Ukrainani "sun’iy davlat" deb atadi va uni qo‘shni davlatlar "muqarrar ravishda" o‘zaro bo‘lib olishini ma’lum qildi. Bu haqda "Evropeyskaya pravda" xabar bermoqda.

"Dunyo o‘zgarmoqda. Chegaralar ham o‘zgaradi. Bundan tashqari, agar chegaralar o‘zgarsa, biz qayerda bo‘lamiz? Bizda Shimoliy Bukovina bor - manfaatimiz. Bizda Budjak bor, Shimoliy Maramarush bor, to‘g‘rimi? Sobiq... nima edi... Zakarpate! Yana vengerlar bor... Polyaklar bilan qoladigan Lvov va Kichik Rossiya..." - dedi siyosatchi jurnalist Ion Krista bilan munozara paytida.

Jorjeskuning ta’kidlashicha, Ukrainaning bo‘linishi "muqarrar": "Yuz foiz shunday bo‘ladi. Axir, ularning boshqa yo‘li yo‘q! Bunga olib boradigan yo‘l muqarrar. Ukraina - sun’iy davlat. Bu Ukraina Sovet Sosialistik Respublikasi!" - deya ta’kidladi Jorjesku.

Avvalroq, Jorjesku g‘alaba qozongan taqdirda Ruminiya orqali Ukraina donini eksport qilishni davom ettirishni va Ukrainaga harbiy yordam ko‘rsatishni taqiqlashini ma’lum qilgan edi.

May oyida bo‘lib o‘tadigan takroriy prezidentlik saylovlari arafasida Jorjesku Ruminiya rahbari lavozimiga eng ommabop nomzod bo‘lib qolmoqda.