Tyanszinda Rossiya–Turkiya muzokaralari bo‘lib o‘tdi

Putin Rossiya va Turkiya orasida munosabatlar rivojlanib borayotganini qayd etdi.

Turkiyaga sayyohlar oqimi bo‘yicha Rossiya birinchi o‘rinni egalladi. Menimcha, yangi tarixiy rekord o‘rnatildi. Respublikaga 6,7 milliondan ortiq Rossiya fuqarolari tashrif buyurdi. Bu o‘tgan yilga nisbatan 6,3 foizga ko‘pdir, - dedi Putin.

Erdog‘an Putin bilan uchrashuvda Turkiya bilan Rossiya Federasiyasi o‘rtasidagi savdo, turizm, sarmoya va energetika sohalaridagi aloqalar rivojlanishda davom etganini aytdi.

Shuningdek, Putin Turkiyaga Ukraina inqirozini hal qilish harakatlariga qo‘shgan muhim hissasi uchun minnatdorchilik bildirdi.

“May oyidan beri Istanbulda muzokaralarning uch raundi bo‘lib o‘tdi, bu gumanitar sohadagi bir qator amaliy masalalarni hal etishda oldinga siljish imkonini berdi”, dedi Rossiya prezidenti.

“Biz Turkiyani ishonchli, vaqt sinovidan o‘tgan hamkor sifatida ko‘ramiz”, - dedi Putin.