- Men tushimda ayolimga taloqsan debman. Astag‘firulloh. Shu taloq sifatida o‘tadimi? Nima qilishni bilmay qoldim...
- Bismillahir Rohmanir Rohim.
Tushda aytilgan taloq tushmaydi. Bu haqda Shayx Abdulg‘ani al-Maydoniy rahimahulloh aytadilar:
(و) لا طلاق (النائم) لعدم الاختيار
"Uxlagan kishining taloqi ham tushmaydi. Chunki (uxlaganda) ixtiyori o‘zida bo‘lmaydi" ("Al-Lubob" kitobi).
Muhaqqiq alloma Mulla Aliy Qori rahimahulloh aytadilar: "Imom Xoharzoda: "Uyqudagi kishi tushida xotinini taloq qilsa va uyg‘onganda xotiniga: "Tushimda seni taloq qilibman", desa taloq tushmaydi", deydilar" ("Fathi bobil inoya" kitobi). Vallohu a’lam.
O‘zbekiston musulmonlari idorasi Fatvo hay’ati.
