Turkmaniston SSSRga qarshi kurash e’lon qildi

«Turkmaniston hukumati mamlakatning g‘arbiy viloyatlarida sobiq SSSR ramzlari targ‘ibotiga qarshi kurashni boshladi.

Turkmaniston SSSR ramzlari savdosini ham taqiqladi, shuningdek, ijtimoiy tarmoqlarda sovet ramzlarini e’lon qilgan odamlarni ta’qib qilmoqda», deb yozadi Azattyk radiosi.

Qayd etilishicha, ushbu aksiya doirasida sovet ramzlari tushirilgan kiyimlar savdosiga chek qo‘yilmoqda. Huquq-tartibot idoralari xodimlari bunday tovarlarni reklama qilayotgan va savdosi bilan shug‘ullanuvchi tadbirkorlarni, hamda ushbu belgili kiyim kiygan shaxslarni so‘roq qilmoqda.