O‘zbekiston Respublikasi Markaziy banki raisi o‘rinbosari boshchiligidagi delegasiya Turkiyaning omonatlarni kafolatlash fondi (SDIF) bilan o‘zaro tajriba almashish maqsadida Istanbul shahrida bo‘ldi.
Tashrif davomida Turkiyaning omonatlarni kafolatlash fondi kengashi a’zosi Yusuf Oksuzomer va boshqa mas’ul tashkilotlar rahbarlari bilan uchrashuvlar o‘tkazildi.
Muloqotlarda tomonlar ikki mamlakat fondlarining faoliyati, banklarni sanasiya qilish, riskka asoslangan mukofot tizimi, to‘lovni qaytarish va to‘lash jarayoni, omonatlarni sug‘urtalash va ularni moliyalashtirishga doir amaliyotlar yuzasidan fikr almashishdi.
