Turkiyani yondirayotgan Shomurodov noyabr oyining eng yaxshi futbolchilari qatoridan joy oldi

Turkiya Superligasining noyabr oyi uchun ramziy terma jamoasi e’lon qilindi. Quvonarlisi, undan "Istanbul Bashakshehir" hujumchisi Eldor Shomurodov ham o‘rin oldi.

O‘zbekistonlik forvard o‘tgan oyda 3 ta uchrashuvda maydonga tushib, ularning barchasida gol urishga muvaffaq bo‘ldi. Shuningdek, ayni paytda Shomurodov Superliga to‘purarlar ro‘yxatida 11 ta gol bilan peshqadamlik qilmoqda.

Ma’lumot uchun, "Bashakshehir" jamoasi chempionatning 16-turidan so‘ng 20 ochko jamg‘argan holda turnir jadvalida 8-o‘rinni egallab turibdi.