Turkiyada sodir bo‘lgan zilziladan keyin yettita yer silkinishi qayd etildi

Turkiya g‘arbida sodir bo‘lgan zilzilalardan so‘ng 3 magnitudadan yuqori bo‘lgan yettita zilzila qayd etildi.

Bu haqda Tabiiy ofatlar va favqulodda vaziyatlarni boshqarish boshqarmasi (AFAD) ma’lum qildi.

Tabiat hodisasi Manisa, Izmir, Usak va Bursa viloyatlarida sezildi. Hozirda qidiruv-qutqaruv ishlari davom etmoqda.

Eslatib o‘tamiz, Balikesir viloyatining Sindirgi tumanida sodir bo‘lgan 6,1 magnitudali zilzila natijasida 10 ta bino vayron bo‘lgan. Zilzila markazi 11 kilometr chuqurlikda joylashgan.

Manisa shahrida ham, mahalliy OAVning ta’kidlashicha, ketma-ket ikkita zilzila sodir bo‘ldi. Tabiat hodisalari 4,6 va 4,3 magnitudali qayd etilgan.