Pegasus Airlines aviakompaniyasining Sofiya–Istanbul yo‘nalishidagi PC272 reysida qoidalarni buzgan bir necha yo‘lovchi ilk bor ma’muriy javobgarlikka tortildi.
HavaSosyalMedya aviasiya agentligining ma’lum qilishicha, Boeing 737-800 samolyoti Sabixa Go‘kchen aeroportiga qo‘nganidan so‘ng, hali butunlay to‘xtamasidan bir necha yo‘lovchi o‘rnidan turib, yuk javonlaridan buyumlarini olishga tushgan. Ekipaj a’zolari xavfsizlik qoidalariga rioya qilishni so‘rab, ularni o‘rinlariga o‘tirishga chaqirgan. Biroq ayrim yo‘lovchilar ogohlantirishlarga bo‘ysunmagan.
Natijada bortiga polisiya chaqirilib, aeroportda huquqbuzarlarga nisbatan ma’muriy bayonnomalar rasmiylashtirilib, jarimalar belgilandi.
Turkiyada 2024 yildan boshlab joriy etilgan yangi qoidalarga muvofiq, samolyot to‘liq to‘xtamasidan o‘rnidan turish, yuk bo‘limlarini ochish yoki ekipaj ko‘rsatmalarini inkor etish ma’muriy huquqbuzarlik deb hisoblanadi. Bu talablar ichki va xalqaro reyslarga bir xil darajada taalluqli.
Turkiya Fuqarolik aviasiyasi bosh direksiyasining ma’lumotlariga ko‘ra, bunday tartibbuzarlik uchun yo‘lovchilarga 2 603 turk lirasigacha jarima solinadi.
Bundan tashqari, aviakompaniyalar huquqbuzarlarni «qora ro‘yxat»ga kiritib, kelgusida reyslarga chipta xarid qilish huquqini cheklashi mumkin.
Maktablarda 1 sentyabrdan smartfondan foydalanish taqiqlanadi
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
AQSh Kongressiga nomzod Valentina Gomes Qur’onni yoqib yubordi
