"Turkiya chempionati - Abbos uchun tramplin"

Danil Krugovoy Abbosbek Fayzullayevning "Istanbul Bashakshexir"ga o‘tishi ehtimoli haqida gapirdi.

SSKA va O‘zbekiston milliy jamoasining 21 yoshli vingeri Turkiya klubida tibbiy ko‘rikdan o‘tgani xabar qilingandi.

"Albatta, hammamiz Abbosni sog‘inamiz. Lekin u qaytib kelishga va’da berdi (kulimsirab). Turkiya chempionati Fayzullayev uchun jahon chempionati oldidan tramplin deb o‘ylayman. Unga muvaffaqiyat tilayman.

Abbos yaxshi futbolchi va inson. U bilan o‘ynash juda zavqli edi... Ayniqsa, 3-4-3 sxemasida u vinger, men esa chap qanot himoyasida o‘ynardim," - dedi SSKA himoyachisi.