Turkiy madaniyat va meros jamg‘armasi prezidenti xalqaro konferensiyada ishtirok etdi

Turkiy madaniyat va meros jamg‘armasi prezidenti Aktoti Raimkulova xonim Koreya Respublikasining Seul shahrida bo‘lib o‘tgan “Chegaralararo meros va ASEAN umumiy madaniy merosi: qadriyatlar va mintaqaviy hamkorlik” mavzusidagi xalqaro konferensiyada ishtirok etdi.

Mazkur tadbir Koreya Respublikasining Milliy meros xizmati tomonidan UNESCO huzuridagi Osiyo–Tinch okeani mintaqasida nomoddiy madaniy meros bo‘yicha Xalqaro axborot va tarmoq markazi (ICHCAP) bilan hamkorlikda tashkil etildi.

Konferensiya doirasida Jamg‘armasi Prezidenti Aktoti Raimkulova “Turkiy madaniy makonda umumiy madaniy meros bo‘yicha mintaqaviy hamkorlik: Turkiy umumiy meros katalogi” mavzusida ma’ruza bilan chiqdi. U o‘z nutqida madaniy merosni asrash va targ‘ib etishda xalqaro hamkorlikning tobora ortib borayotgan ahamiyatini ta’kidladi. Shuningdek, Jamg‘armaning turkiy dunyoga xos umumiy madaniy qadriyatlarni tizimli ravishda hujjatlashtirish, ularni kelajak avlodlarga yetkazish va xalqaro maydonlarda targ‘ib qilishga qaratilgan faoliyati haqida so‘z yuritdi.

Seulda bo‘lib o‘tgan konferensiya doirasida Turkiy Madaniyat va Meros Jamg‘armasi tomonidan “Turkiy dunyoning madaniy kodi” nomli Turkiy madaniy merosning birinchi ko‘p tilli katalogi taqdim etildi. Ushbu katalog “Turkiy dunyo – 2040” strategik hujjati va TURKTIME dasturiga muvofiq ishlab chiqilgani qayd etildi. Ta’kidlanishicha, katalog ilk bor 2025-yil 4-noyabr kuni Samarqand shahrida bo‘lib o‘tgan UNESCO Bosh konferensiyasining 43-sessiyasi doirasida xalqaro hamjamiyatga taqdim etilgan bo‘lib, Koreya Respublikasidagi taqdimot loyiha uchun xalqaro targ‘ibotning muhim bosqichi hisoblanadi.

Mazkur loyiha turkiy merosning yagona umumiy ro‘yxatini shakllantirish hamda TurkicHeritage raqamli platformasini yaratish uchun mustahkam asos bo‘lib xizmat qiladi.

Konferensiya ishtirokchilari — jumladan, ASEAN mamlakatlari vakillari, xalqaro tashkilotlar, ilmiy doiralar va davlat muassasalari — Jamg‘armaning faoliyati va taqdim etilgan konsepsiyani yuqori baholadilar hamda unga katta qiziqish bildirdilar. Ayniqsa, Jamg‘armaning madaniyatlararo muloqot, o‘zaro tushunish va xalqlar o‘rtasidagi ishonchni mustahkamlashga qo‘shayotgan hissasiga alohida e’tibor qaratildi.

Mazkur forumda Jamg‘armaning ishtiroki Turkiy Madaniyat va Meros Jamg‘armasi nafaqat Yevropa bilan, balki Osiyo, Tinch okeani mintaqasi va umuman global hamjamiyat bilan ham xalqaro aloqalarini kengaytirayotganini yaqqol namoyon etdi. Bu esa turkiy dunyoning boy madaniy merosini jahon miqyosida namoyish etish uchun yangi imkoniyatlar ochmoqda.