Turkiyaning «Trabzonspor» klubi "Roma" hujumchisi Eldor Shomurodovni qo‘lga kiritish bo‘yicha harakatlarni davom ettirmoqda. Buni jamoa bosh murabbiyi Abdulloh Ovchi tasdiqladi.
Turkiyaliklar 27 yoshli futbolchini bir yilga ijaraga olib (buning uchun jamoa 1 million yevro taklif qildi), keyingi yilda uning transferini "Roma" talab qilayotganidan kamroq summaga sotib olmoqchi.
Eslatib o‘tamiz, Shomurodovga "Bolonya" klubi ham da’vogarlik qilmoqda. Ammo "Roma" hozircha narxni pasaytirishni istamayapti.
Eslatib o‘tamiz, Shomurodov Konferensiyalar ligasining o‘tgan yilgi mavsumi saralash bosqichida "Trabzonspor" jamoasiga qarshi safardagi o‘yinda gol urgandi.
"Trabzonspor" joriy mavsumda Yevropa chempionlar ligasi guruh bosqichiga chiqish uchun kurash olib bormoqda. Jamoa Daniyaning "Kopengagen" klubiga qarshi dastlabki o‘yinda 1:2 hisobida imkoniyatni boy berdi. Javob o‘yini 23 avgust kuni Turkiyada bo‘lib o‘tadi. Turkiyaliklar mazkur bahsda 2ta to‘p farqi bilan g‘alaba qozonishsa, YECHL guruh bosqichi yo‘llanmasini qo‘lga kiritishadi.
"Real Madrid"ning Myunxenga boradigan futbolchilar ro‘yxati ma’lum (foto)
"Real"ning ikki yulduzi navbatdagi o‘yinda ishtirok etmasligi mumkin
Manba: "Liverpul"ning keyingi bosh murabbiyi nomi aniq bo‘ldi
