Tomonlar ikki tomonlama kun tartibidagi masalalarni, jumladan, energetika, raqamlashtirish, ta’lim va turizm sohalaridagi hamkorlikni muhokama qildilar.
To‘qayev Qozog‘iston va Hindiston o‘rtasidagi munosabatlar ko‘plab yo‘nalishlarda rivojlanayotganini ta’kidladi. Uning aytishicha, hozir Qozog‘istonda Hindiston kapitali ishtirokidagi 600 ta kompaniya faoliyat yuritmoqda. Shuningdek, 2025 yilda Qozog‘istonga qariyb 150 ming nafar Hindiston fuqarosi tashrif buyurgan.
Modi esa Ostona va Dehli o‘rtasida yuqori texnologiyalar va kreativ industriyalar sohasida katta salohiyat mavjudligini qayd etdi.
Bundan tashqari, ikki davlat rahbari Hindiston va Yevroosiyo iqtisodiy ittifoqi (EOII) o‘rtasidagi hamkorlikni rivojlantirish imkoniyatlarini ham ko‘rib chiqdilar.
Uchrashuv yakunida To‘qayev Narendra Modini Qozog‘istonga davlat tashrifi bilan kelishga taklif qildi.
Yaponiyada uyqu musobaqasi bo‘lib o‘tadi, unda g‘olib katta pul mukofotiga sazovor bo‘ladi
Sun’iy intellekt qachon "qaytib bo‘lmaydigan nuqtaga" yetishi mumkinligi ma’lum bo‘ldi
Buqa 300 ming dollarga sotildi
