Bir yigit sirk rahbariga qo‘ng‘iroq qilib dedi:
— Allo! Men bir metrli temirni yuta olaman!
— Juda yaxshi. Lekin aynan shu masalada o‘n kishi qo‘ng‘iroq qildi. Ya’ni, bir metr temirni yuta oladigan odamlar ko‘p ekan.
— Bo‘lishi mumkin. Lekin bir narsani bilib qo‘ying. Mening bo‘yim atigi to‘qson santimetr!
***
Bir odam qo‘lida karnay bilan tiqilinch avtobusga chiqa olmadi. Shunda bekatda turgan bolakay unga dedi:
— Ko‘rdingizmi, amaki? Agar shuning o‘rniga nay chalishni o‘rganganingizda avtobusdan qolib ketmasdingiz.
***
Ikki veterinar jarroh filni operasiya qilardi. Ular tanani tikib bo‘lishgach, biri dedi:
— Bu gal hoynahoy filning ichida hech narsani unutib qoldirmagandirmiz-a?.. IYE, hamshira qani?
***
Askarlikka yangi chaqirilgan askarlar otish mashg‘ulotlarini o‘tashardi. Komandir serjantga dedi:
— Sen anavi Toshmatovning shaxsiy delosini yana bir marta tekshirib ko‘r!
— Nega?
— Har gal miltiqni joyiga qo‘ygach, barmoq izlarini dastro‘molchasi bilan o‘chirib chiqayapti.
