Trillion tonna og‘irlikdagi aysberg Buyuk Britaniya orollariga xavf solmoqda

Dunyodagi eng katta aysberg A23a Atlantika janubidagi Janubiy Jorjiya orollari tomon asta-sekinlik bilan yaqinlashayotgani aniqlandi.

Ma’lum bo‘lishicha, 1986 yilda Filchner muzliklaridan ajralib chiqqan dunyodagi eng katta A23a aysbergi uzoq davom etgan turg‘unlikdan so‘ng harakatini davom ettirdi.

Taxminan bir trillion tonna og‘irlikdagi, maydoni taxminan 3000 km² bo‘lgan va Londondan ikki baravar katta bu ulkan muz massasi so‘nggi o‘ttiz yil davomida Ueddell dengizida suzib yurib, faqat 2020 yilda A23a okean oqimlari ta’sirida asta-sekin shimolga qarab harakatlana boshladi.