Trampning ikkinchi muddati “ko‘z o‘ngimizda qulayapti”

Financial Times xabariga ko‘ra, Donald Trampning reytingi lavozimga kirishganidan beri eng past darajaga tushgan. Shu bilan birga, global neft narxlari so‘nggi to‘rt yildagi eng yuqori ko‘rsatkichga yetgan.

Gazeta so‘rovida ishtirok etgan mutaxassislar ta’kidlashicha, iqtisodiy ko‘rsatkichlar Oq uyning optimistik bayonotlariga mos kelmayapti.

Ayrim respublikachilar Trampni amerikaliklarning kundalik muammolaridan uzoqlashgan deb hisoblamoqda. Manbalarga ko‘ra, uning birinchi muddatida yordamchilari xatolarning oldini olishga harakat qilgan bo‘lsa, hozir bu ta’sir sezilmayapti.

Prezidentlik tarixchisi Duglas Brinkli esa: «Trampning ikkinchi muddati ko‘z o‘ngimizda qulayapti», — deya baho bergan va u asosiy saylovchilar qo‘llab-quvvatlovini yo‘qotayotganini aytgan.

Oq uyga yaqin sobiq amaldorlardan biri esa Tramp ko‘proq e’tibor jalb qilish uchun balandparvoz bayonotlar berishi, ammo ma’muriyatda aniq va barqaror strategiya yetishmayotganini ta’kidlagan.