Trampning Eronni iqtisodiy izolyasiya qilish rejasi Fors ko‘rfazi davlatlariga yangi zarbalar xavfini oshirmoqda

Donald Tramp yangi sanksiyalar, dengiz blokadasi va Eron bilan savdo qilayotgan davlatlarga bosim orqali Tehronni Vashington shartlarini qabul qilishga majburlamoqchi.

Biroq Bloomberg tahliliga ko‘ra, bunday strategiya keskinlikni yanada kuchaytirishi mumkin. Eron Islom inqilobi qo‘riqchilari korpusi hali ham Fors ko‘rfazi davlatlaridagi ob’ektlar va infratuzilmaga zarba berish imkoniyatini saqlab qolgan.

Ayniqsa, Hurmuz bo‘g‘ozi asosiy xavf nuqtasi bo‘lib qolmoqda. U orqali jahon neft savdosining katta qismi o‘tadi, biroq hozirgi keskinlik sababli dengiz tashuvlari jiddiy cheklangan. Shuning uchun Vashingtonning Eronni iqtisodiy jihatdan izolyasiya qilishga urinishi nafaqat Tehronga bosimni kuchaytirishi, balki Fors ko‘rfazida yangi harbiy zarbalar va energiya ta’minotidagi uzilishlar xavfini ham oshirishi mumkin.