Tramp Zelenskiyga tashlanib qoldi: "Diktator, o‘rtamiyona qiziqchi..."

AQSh prezidenti Donald Tramp Ukraina prezidenti Vladimir Zelenskiy "yutib bo‘lmaydigan urushga kirish" uchun AQShdan 350 milliard dollarni "qo‘lga kiritgani"ni ma’lum qildi.

"Tasavvur qiling: o‘rtamiyona qiziqchi Vladimir Zelenskiy Amerika Qo‘shma Shtatlarini g‘alaba qozonib bo‘lmaydigan, hech qachon boshlanmasligi kerak bo‘lgan, ammo AQSh va Trampsiz hech qachon hal qila olmaydigan urushga 350 milliard dollar sarflashga ishontirdi. AQSh Yevropadan 200 milliard dollar ko‘proq sarfladi, Yevropa mablag‘lari kafolatlangan, AQSh esa buning evaziga hech narsa olmaydi. Nega uyqusiragan Jo Bayden xarajatlarni tenglashtirishni talab qilmadi? Axir bu urush bizdan ko‘ra Yevropa uchun ancha muhimroq - bizni ajratib turgan katta, go‘zal okean bor-ku. Bundan tashqari, Zelenskiy biz unga yuborgan pullarning yarmi YO‘Q BO‘LIB KETGANINI tan olmoqda."

U (Zelenskiy) saylovlarni o‘tkazishdan bosh tortmoqda, Ukraina so‘rovnomalarida uning reytingi juda past, erishgan yagona yutug‘i esa - Baydenni skripkadek "chalish". Saylovsiz diktator. Zelenskiy shoshilishi kerak, aks holda mamlakatidan ajralib qoladi. Shu paytda biz Rossiya bilan urushni to‘xtatish bo‘yicha muzokaralarni muvaffaqiyatli olib bormoqdamiz - buni faqat Tramp va uning ma’muriyati amalga oshira oladi, deb hamma hisoblaydi. Bayden hatto urinib ham ko‘rmadi, Yevropa tinchlik o‘rnata olmadi, Zelenskiy esa, ehtimol, "moliyaviy oqim" davom etishini xohlayotgandir. Men Ukrainani sevaman, ammo Zelenskiy juda yomon ish qildi, uning mamlakati vayron bo‘ldi va millionlab odamlar behuda halok bo‘ldi - va bu davom etmoqda...," - deb yozdi Tramp o‘zining Truth Social ijtimoiy tarmog‘ida.