Rossiya Tergov qo‘mitasi shoir Mixail Lermontovning qotilligi bo‘yicha tergovni boshladi, deb Rossiya xalq artisti, Davlat dumasi deputati Nikolay Burlyayev RIA Novostiga ma’lum qildi.
Ilgari u shoirning halok bo‘lishi holatlarini tekshirishni so‘rab, Tergov qo‘mitasiga murojaat qilgan edi.
"Tergov qo‘mitasi tomonidan javob olindi, aniq hamkorlikdagi ishlar, jumladan texnik xususiyatdagi ishlar boshlandi. Ishning borishi va natijalari haqida xabar berib boramiz," - dedi deputat.
Burlyayevning aytishicha, o‘n yillar davomida lermontovshunos olimlar hamda kriminalistika, ballistika va tibbiyot sohasidagi mutaxassislar 1841 yilda yozuvchi o‘ldirilgandan so‘ng o‘tkazilgan dastlabki tergovning vijdonsizligi haqida masalalar ko‘tarib kelishgan.
Mixail Lermontov iste’fodagi mayor Nikolay Martinov tomonidan 1841 yil 27 iyulda Mashuk tog‘i etagida duel paytida o‘ldirilgan. Shoir o‘sha oyda eski Pyatigorsk qabristoniga dafn etilgan.
