AQSh prezidenti Donald Tramp Birlashgan Arab Amirliklariga tashrifi chog‘ida jurnalistlar bilan suhbatda yaqin haftalarda global xavfsizlik sezilarli darajada yaxshilanadi, degan fikrni bildirdi.
“Bugungi kunda dunyo xavfsizlikka intilmoqda. Menimcha, yaqin 2 yoki 3 hafta ichida u yanada xavfsizroq bo‘ladi”, – dedi Tramp.
Tramp shuningdek, Rossiya prezidenti Vladimir Putin bilan uchrashuv ehtimoli haqida ham fikr bildirgan. Unga ko‘ra, bu uchrashuv 2–3 hafta ichida rejalashtirilishi mumkin va tomonlar imkon qadar tez fursatda uni o‘tkazishga intiladi.
Tramp va Putin uchrashuvi bo‘yicha yakuniy qaror 2–3 hafta ichida qabul qilinishi mumkin
AQSh davlat kotibi Marko Rubio avvalroq jurnalistlarga bergan bayonotida, Tramp-Putin uchrashuvi aniq sanasi hozircha belgilanmaganini aytgan. Bu masala Rossiya va Ukraina o‘rtasida Istanbulda bo‘lib o‘tadigan muzokaralar natijalariga bog‘liq bo‘ladi, degan u.
Turkiyada bo‘lib o‘tadigan Rossiya va Ukraina delegasiyalari muzokaralari oldidan Interfaks agentligi xabar berishicha, Turkiya vakili faqatgina kutib olish marosimida qatnashadi va keyin muzokara zalini tark etadi.
Bu uchrashuv, tomonlar o‘rtasida ehtimoliy sulh va tinchlikka erishish borasida yangi umidlarni uyg‘otmoqda.
Go‘zallik malikasi 9 oyga qamaldi
Estoniya va Rossiya o‘rtasida jang chiqishiga sal qoldi
"Sizlar bizga terrorchi, biz esa sizlarga suv beramiz"
