AQSh prezidenti Donald Tramp The New York Post gazetasiga Rossiya prezidenti Vladimir Putin bilan telefon orqali Ukrainadagi urush haqida gaplashganini aytdi.
Bu qachon sodir bo‘lgani noma’lum. Ikki davlat rahbari telefonda necha marta gaplashgani haqidagi savolga Tramp: "Buni aytmaganim ma’qul", deb javob berdi.
Trampning so‘zlariga ko‘ra, Putin "odamlar jang maydonida o‘lishini bas qilishni" istaydi. AQSh prezidenti, shuningdek, urushni qanday tugatish bo‘yicha aniq rejasi borligini aytdi.
AQSh vise-prezidenti J.D. Vens kelasi hafta bo‘lib o‘tadigan Myunxen xavfsizlik konferesiyasida Ukraina prezidenti Volodimir Zelenskiy bilan uchrashadi. Avvalroq Tramp kelasi haftada Zelenskiy bilan uchrashishi mumkinligini aytgan edi.
AQSh prezidenti, shuningdek, xavfsizlik kafolatlari evaziga Ukrainaning nodir metallari va boshqa resurslaridan foydalanish uchun Zelenskiy bilan 500 million dollarlik shartnoma tuzmoqchi ekanligini aytdi.
Geologlar ulkan oltin zaxirasini topib oldi
Rossiyada dollar narxi keskin tushib ketdi
Mashina sotib olish yanada osonlashadi
