Tramp va Putinning Alyaskada bo‘lib o‘tadigan uchrashuvi AQSh maxfiy xizmati uchun jiddiy sinov bo‘ladi

Rossiya va AQSh rahbarlarining Alyaskadagi uchrashuvini o‘tkazish to‘g‘risidagi qaror Amerika maxfiy xizmati uchun qiyin sinov bo‘ldi.

Bu haqda manbalarga tayanib, Bloomberg agentligi xabar berdi.

Ularga ko‘ra, sammitga tayyorgarlikni "bir haftaga siqilgan to‘liq miqyosdagi sprint"ga qiyoslash mumkin. Garchi Amerika hududida yig‘ilish o‘tkazish Maxfiy xizmatga barcha kerakli resurslarni cheklovlarsiz ko‘chirishga imkon bersa-da, Alyaskaning geografik joylashuvi "o‘z-o‘zidan ma’lum bir qiyinchilikka aylandi". Yuzlab Maxfiy xizmat xodimlari Ankorijga yuborilishi, transport va uy-joy bilan ta’minlanishi kerak edi. Ankorijdagi avtomobil ijarasi bozori kichik, shuning uchun agentlar transport vositalarini shtatning boshqa qismlaridan va hatto mamlakatdan shaharga o‘tkazishlari kerak edi.

Bundan tashqari, Alyaskada xavfsizlikni ta’minlash bilan birga, Maxfiy xizmat sentyabr oyida Nyu-Yorkda bo‘lib o‘tadigan BMT Bosh Assambleyasining yuqori darajadagi haftaligiga tayyorgarlik ko‘rmoqda, deya qayd etadi agentlik.