AQSh prezidenti Donald Tramp Oq uyda o‘zining ukrainalik hamkasbi Vladimir Zelenskiy bilan uchrashuvidan so‘ng Rossiya-Ukraina urushining tugashi haqida emosional tarzda gapirdi.
Tegishli post Amerika yetakchisining Truth Social sahifasida e’lon qilingan.
"Etarli qon to‘kildi... Rossiya va Ukraina turgan joyida to‘xtashlari kerak. Ikkala tomon ham g‘alaba qozonsin, tarix hukm qilsin. Hozir otishmalar, o‘limlar, katta va beqaror xarajatlar bo‘lmoqda. Men prezident bo‘lganimda bu urush hech qachon boshlanmasdi. Har hafta minglab odamlar halok bo‘ladi...", - deyiladi postda.
Tramp, shuningdek, Zelenskiy bilan uchrashuvni “juda qiziqarli va iliq” deb atadi.
“Men Rossiya prezidenti Vladimir Putinga qat’iy tavsiya qilganimdek, qotillikni to‘xtatib, kelishuvga erishish vaqti kelganini aytdim”, dedi Oq uy rahbari bir kun avval Rossiya rahbari bilan telefon orqali suhbatiga ishora qilib.
Eslatib o‘tamiz, Tramp va Zelenskiy 17 oktyabr kuni Vashingtonda uchrashgan.Muhokama jurnalistlar uchun yopiq tarzda o‘tgan. Ommaviy axborot vositalarining uchrashuv oldidan xabar berishicha, asosiy mavzu Amerikaning uzoq masofali “Tomagavk” raketalarini Kiyevga topshirish bo‘lgan.
Tramp bilan uchrashuvdan keyingi brifingda Zelenskiy tomonlar “bu haqda ochiq gapirmaslikka” kelishib olganini aytdi.
Yangilangan Cobalt'ning narxi e’lon qilindi
Dunyodagi eng qashshoq davlatlar
Erdo‘g‘an turkiy xalqlar, jumladan o‘zbeklarning hayotini yengillashtirmoqchi
