AQSh va Eron o‘rtasida navbatdagi zarbalar almashinuvi Yaqin Sharqdagi vaziyat yana keskinlashayotganini ko‘rsatmoqda. Bu voqealar AQSh prezidenti Donald Trampning Tehron bilan yaqin orada kelishuvga erishish mumkinligi haqidagi bayonotlari fonida sodir bo‘ldi.
BBC rus xizmatiga bergan intervyusida eronshunos Nikita Smagin so‘nggi voqealarni keng ko‘lamli urushning yangi bosqichi sifatida emas, balki tomonlar o‘rtasida muntazam tus olgan “zarba va javob zarbasi” amaliyotining davomi sifatida baholadi.
Uning ta’kidlashicha, rasman sulh saqlanib turgan bo‘lsa-da, AQSh va Eron o‘rtasidagi qarama-qarshilik amalda davom etmoqda. So‘nggi oylarda tomonlar bir necha marta harbiy va iqtisodiy bosim choralarini qo‘llagan.
Smaginning fikricha, hozirgi keskinlik avvalgi yirik to‘qnashuvlar darajasiga yetmagan. Biroq Tehron zarur deb hisoblaganda vaziyatni keskinlashtirishga tayyor ekanini namoyon qilmoqda.
Tahlilchiga ko‘ra, Eron mintaqadagi asosiy ittifoqchilaridan biri bo‘lgan Hizbullohni qo‘llab-quvvatlash orqali o‘z ta’sir doirasini saqlab qolishga urinmoqda. Shu bilan birga, Vashington va Tehron o‘rtasida to‘liq diplomatik kelishuvga erishilgani haqida gapirish hozircha erta.
Ekspert xulosasiga ko‘ra, maydondagi voqealar tomonlar o‘rtasidagi qarama-qarshilik hali tugamaganini ko‘rsatmoqda. Tramp tinchlik va kelishuv haqida gapirayotgan bo‘lsa-da, mintaqadagi harbiy faollik aksincha, mojaro hali ham xavfli bosqichda qolmoqda.
Million rossiyalik mamlakatni tark etdi
47°C issiqlikda tong ham, tun ham yo‘q: Hindistonning eng issiq hududida bir kun
Kuba fuqarolarga qurol tarqatishni boshladi
