Qirg‘iziston Milliy xavfsizlik davlat qo‘mitasining sobiq rahbari uy-joyga muhtoj bo‘lgan oilaga yangi xonadon kalitlarini topshirish marosimida ishtirok etdi. Bu haqda 24 kg nashri xabar berdi.
Tadbir davomida Qamchibek Tashiyev yangi uy egalariga kalitlarni shaxsan topshirdi va oilaga farovonlik tiladi.
"Har bir inson o‘z uyiga ega bo‘lishi kerak. Prezident Sadir Japarov fuqarolarning uy-joy muammolarini hal qilishga qaratilgan siyosat olib bormoqda. O‘sh va Qora-Suvda ipoteka uylari qanday ochilganini o‘zingiz ko‘rdingiz. Minglab oilalar o‘z uylariga ega bo‘lish imkoniyatiga ega bo‘ldilar. Har bir muhtoj oilaning boshpanasi bo‘lishi kerak," - dedi Qamchibek Tashiyev.
Qayd etish joizki, bu uning MXDQ raisi lavozimidan iste’foga chiqqanidan keyingi ilk ommaviy chiqishi bo‘ldi.
Joriy yilning 10 fevral kuni Qirg‘iziston Milliy xavfsizlik davlat qo‘mitasi raisi, bosh vazir o‘rinbosari Qamchibek Tashiyev prezident Sadir Japarovning farmoni bilan lavozimidan ozod etildi. U o‘z qarorini “jamiyatda bo‘linishga yo‘l qo‘ymaslik” istagi bilan izohladi.
Milliy xavfsizlik davlat qo‘mitasining sobiq rahbari hokimiyatni zo‘ravonlik bilan egallashga tayyorgarlik ko‘rganlikda va mansab mavqeini suiiste’mol qilishda ayblanmoqda. Sud jarayoni davom etmoqda.
