AQSh prezidenti Donald Tramp Yaponiya bosh vaziri Sanae Takaiti bilan telefon muloqoti chog‘ida unga Tayvan haqida Xitoyning salbiy munosabatiga sabab bo‘lishi mumkin bo‘lgan bayonotlar bermaslikni maslahat berdi.
Bu haqda The Wall Street Journal (WSJ) xabar bermoqda.
Manbalarga ko‘ra, AQSh rahbari Yaponiya bosh vaziri "Pekinni provokasiya qilishdan" qochishi kerak, deb hisoblaydi. Gazetaning qayd etishicha, Tramp bu tavsiyalarni muloyim ohangda bergan va Takaitidan avvalgi bayonotlarini qaytarishni talab qilmagan. AQSh prezidenti Yaponiya bosh vaziri bilan suhbatidan oldin Xitoy rahbari Si Ssinpin bilan telefon orqali muloqot qildi, deb yozadi gazeta.
Takaitining Tayvan yaqinida yuzaga kelishi mumkin bo‘lgan harbiy inqiroz Tokioni o‘zining "jamoaviy o‘zini-o‘zi himoya qilish huquqi"dan foydalanishga majburlashi mumkin bo‘lgan "ekzistensial tahdid”ni keltirib chiqarishi haqida parlamentdagi so‘nggi bayonoti Pekinda qattiq norozilik uyg‘otdi va ikki davlat o‘rtasidagi munosabatlarning sezilarli darajada yomonlashishiga olib keldi. Shu fonda Xitoy Tashqi ishlar vazirligi vatandoshlarini Yaponiyaga sayohat qilishdan ogohlantirdi. Bundan tashqari, Davlat Kengashining Tayvan ishlari bo‘yicha boshqarmasi matbuot kotibi Pen Sin’en Yaponiya Bosh vaziri orol haqidagi so‘nggi izohlari uchun Tayvan xalqidan kechirim so‘rashi kerakligini aytdi.
Kelayotgan hafta O‘zbekistonda sovuq havo kutilmoqda
Rossiya Sibir daryolari suvini Markaziy Osiyo bilan bo‘lishmaydi — olimlar fikri
Muhammad Saloh jazolanadigan bo‘ldi
