Nashrning manbalariga tayanib yozishicha, Florida shtati gubernatori Ron Desantis Trampning o‘tish jamoasi tomonidan mudofaa vaziri lavozimi uchun taklif etilgan nomzodlarning dastlabki ro‘yxatiga kiritilgan. Ammo saylangan prezident oxir-oqibat Fox News telekanali boshlovchisi Pit Hegsetni tanlashga qaror qilgan.
Hozirda Mudofaa vaziri lavozimi uchun nomzodlar ro‘yxati qayta ko‘rib chiqilmoqda, chunki AQSh Senati jinsiy zo‘ravonlik ayblovlari tufayli Hegsetning nomzodini tasdiqlamasligi mumkin. Shu sababli Ron Desantis AQShning yangi ma’muriyatida Pentagon rahbari etib tayinlanishi mumkin.
