AQSh prezidenti Donald Tramp chorshanba kuni Rossiya prezidenti Vladimir Putin bilan telefon orqali muloqotda Ukrainadagi ehtimoliy o‘t ochishni to‘xtatish masalasini muhokama qilganini ma’lum qildi.
"Suhbatimiz yaxshi o‘tdi, men Putinni ancha vaqtdan beri taniyman", — dedi Tramp Oq uyning Oval kabinetida Artemis II missiyasi astronavtlari bilan uchrashuv chog‘ida jurnalistlarga.
"O‘ylaymanki, Putin o‘t ochishni to‘xtatishga rozi bo‘ladi", — deya qo‘shimcha qildi Tramp.
AQSh prezidenti, shuningdek, Putin unga Erondagi boyitilgan uranni olib chiqish masalasini hal qilishda yordam taklif qilganini bildirdi. Bu masala Eron bilan urushni to‘xtatish bo‘yicha kelishuv yo‘lidagi asosiy to‘siq hisoblanadi.
"Men Putinga Ukraina bilan urushni to‘xtatishda ishtirok etishingizni ko‘proq xohlagan bo‘lardim, deb aytdim", — dedi Oq uy rahbari.
Avvalroq Putinning yordamchisi Yuriy Ushakov Rossiya rahbari Tramp bilan telefon muloqoti chog‘ida 9 may — G‘alaba kuni munosabati bilan Ukraina bilan sulh e’lon qilishga tayyorligini bildirgani haqida xabar bergan edi.
«Real» Mbappe bilan xayrlashadimi?
Mojtaba Xomanaiy Putinga maktub yo‘llagani ma’lum bo‘ldi
Xitoy aholisi Fransiya darajasida qisqarishi mumkin: Iqtisodiyot xavf ostida
