AQSh prezidenti Donald Tramp Rossiya yetakchisi Vladimir Putin bilan telefon orqali gaplashganini aytdi.
Bu haqda Oq uy rahbarining o‘ziga iqtibos keltirgan holda Amerikaning New York Post nashri xabar bermoqda.
"Prezident Tramp Rossiya yetakchisi Vladimir Putin bilan telefon orqali gaplashib, Ukrainadagi urushni tugatish bo‘yicha muzokaralar olib borishga harakat qildi”, — deyiladi nashr.
"Men jim bo‘lishni afzal ko‘raman", - deya uning so‘zlarini keltiradi nashr.
Oq uy rahbari Rossiyaning Ukrainaga qarshi urushini to‘xtatish bo‘yicha “aniq rejasi” borligini yana bir bor ta’kidladi, biroq bu haqda hech qanday ma’lumot bermadi.
