AQSh prezidenti Donald Tramp Rossiya yetakchisi Vladimir Putin bilan uchrashuv faqat Rossiya-Ukraina urushini tugatish bo‘yicha kelishuv istiqboliga ishonchi komil bo‘lganda bo‘lishini aytdi.
Tramp bu haqda Osiyo bo‘ylab turnesi doirasida ma’lum qildi.
"Biz kelishib olishimizni bilishimiz kerak", dedi Amerika yetakchisi Putin bilan qachon uchrashishga tayyor ekanligi haqidagi savolga javob berar ekan.
Tramp Rossiya-Ukraina mojarosida tinchlik jarayonining borishidan hafsalasi pir bo‘lganini bildirdi.