U ijtimoiy tarmoqlarda Nyu-Meksiko «Nyu-Amerika» deb ko‘rsatilgan xaritani e’lon qildi. Xaritada «Meksika» so‘zi ustidan chiziq tortilib, uning o‘rniga «Amerika» deb yozilgan.
Tramp Truth Social tarmog‘ida ushbu postni joylashtirgan, biroq tashabbusiga rasmiy izoh bermagan. Keyinchalik Oq uy ham postni X ijtimoiy tarmog‘ida qayta e’lon qilgan. Nyu-Meksiko gubernatori Mishel Luxan-Grishem esa bunga munosabat bildirib, shtat nomi «muhokama qilinadigan masala emasligini» ta’kidlagan.
Bu Trampning geografik nomlarni o‘zgartirish bo‘yicha navbatdagi tashabbusi bo‘ldi. 2025 yilda u Meksika qo‘ltig‘ini «Amerika qo‘ltig‘i» deb qayta nomlash to‘g‘risida farmon imzolagan. 2026 yil avgust oyida esa Ontario ko‘lini «Amerika ko‘li» deb atashni taklif qilgan.
Shu bilan birga, AQSh prezidenti ayrim federal geografik ob’ektlarning nomini o‘zgartirish vakolatiga ega bo‘lsa-da, shtat nomlarini prezident farmoni bilan o‘zgartira olmaydi. Nyu-Meksiko nomini o‘zgartirish uchun shtat darajasida tegishli rasmiy va huquqiy jarayonlardan o‘tish talab etiladi.
Shahnoza Mirziyoyeva Musulmon Yunusovning murojaatiga munosabat bildirdi
Dunyo xaritasi 500 yil ichida ilk bor yangilandi
💴 Adliya vazirligi O‘zbekistondagi pensiya va nafaqalar miqdorini eslatdi
