Tramp murdaga o‘xshab qolmaslik uchun makiyaj qilishini aytdi

AQSh prezidenti Donald Tramp yuziga kosmetika surtishini va buni o‘zi bajarishini ma’lum qildi. Uning aytishicha, makiyaj qilmasa, yuzi murdanikidek ko‘rinishi mumkin.

"Ozgina kosmetika ishlataman va uni o‘zim surtaman. Aks holda, murdaga o‘xshab qolaman. Men bunday ko‘rinishni istamayman", — dedi Tramp.

Avvalroq u sog‘lig‘ida jiddiy muammolar borligini aytgan, keyin esa bu gapi hazil bo‘lganini bildirgan. May oyidagi tibbiy ko‘rikda prezidentning sog‘lig‘ida jiddiy muammolar aniqlanmagan.