Tramp ma’muriyati Ukrainani o‘z hududlarining bir qismini berishga majbur qilishi mumkin

The Daily Telegraph nashri ma’lumotlariga ko‘ra, Oq uy Tramp Moskva va Kiyev o‘rtasidagi muzokaralarda vositachilik qiladigan bo‘lsa, Ukraina ehtimol o‘z hududlarining bir qismini Rossiyaga berishga rozi bo‘lishiga to‘g‘ri kelishini bildirgan. Bu Rossiya armiyasining Lugansk, Donesk, Xerson va Zaporoje viloyatlaridagi muvaffaqiyatlari bilan bog‘liq.

"Ukrainaning Yevropadagi ittifoqchilari bu pozisiyadan xavotir bildirmoqda, ular Tramp bu kabi kelishuvni Kiyevning roziligisiz majburan qabul qildirishga harakat qilishi mumkinligi haqida o‘ylashmoqda. Shu sababli nizoni hal etish uchun Bryussel tomonidan muqobil reja taklif qilinishi mumkin", deyiladi maqolada.