Tramp Italiya va Ispaniyadan AQSh qo‘shinlarini olib chiqish bilan tahdid qildi

Donald Tramp Italiya va Ispaniyadan norozi ekanini bildirib, ushbu davlatlardagi AQSh harbiy kontingentini olib chiqish masalasini ko‘rib chiqish bilan tahdid qildi.

Time xabar berishicha, Tramp bu mamlakatlar Eron bilan mojaro paytida Vashingtonga yetarlicha yordam bermaganini ta’kidlagan.

Uning so‘zlariga ko‘ra, “Italiya bizga umuman yordam bermadi, Ispaniya esa juda yomon munosabatda bo‘ldi”. Shu bilan birga, u Ukraina masalasida AQShning avvalgi yordamini ham eslatgan.

Ma’lumotlarga ko‘ra, 2025 yil dekabr holatiga ko‘ra, Italiyada 12 662 nafar, Ispaniyada esa 3 814 nafar AQSh harbiy xizmatchisi joylashtirilgan.