AQShning sobiq prezidenti, Respublikachilar partiyasidan prezidentlikka nomzod Donald Tramp Ogayo shtatining Springfild shahridan gaitiliklarni ommaviy deportasiya qilishni tashkil etishga va’da berdi.
Bu haqda Reuters xabar bermoqda.
Tramp bu mavzuni AQSh prezidentligiga nomzod Kamala Xarris bilan debatda ko‘tardi.
«Springfildda gaitiliklar itlarni, mushuklarni yeyishadi. U yerda yashovchi odamlarning uy hayvonlarini yeyishadi», dedi u. Keyinchalik, matbuot anjumani chog‘ida Tramp Springfilddan gaitiliklarni ommaviy deportasiya qilishni va’da qildi.
