Amerika Qo‘shma Shtatlari prezidenti Donald Tramp Rossiya va Ukraina o‘rtasidagi urushni to‘xtatish bo‘yicha faol diplomatik harakatlardan vaqtincha voz kechishi mumkin. Bu haqda Axios nashri Oq uydagi manbalariga tayangan holda xabar berdi.
Manbalarga ko‘ra, Tramp “jiddiy ravishda shunchaki kuzatuvchi bo‘lib qolish”ni o‘ylayapti. Balki, faqat “bir tomon yoki har ikkala tomon ham ko‘proq iyiluvchanlik namoyon qilgandan keyingina” muzokaralarga qaytishi mumkin.
«Biz shunchaki o‘tiramiz va kuzatamiz. Ularga yana biroz urushishga imkoniyat berish kerak — natija qanday bo‘lishini ko‘ramiz», — dedi yuqori lavozimli manba.
Axios ma’lum qilishicha, Oq uyda Tramp va Putin o‘rtasida Alyaskada o‘tkazilgan uchrashuvdan keyin hech qanday ilgarilash kuzatilmayotganidan ranjish bor. Vashingtonda bunga Yevropa aybdor deb hisoblashmoqda, chunki Ukraina tinchlik uchun murosa qilishga tayyor emas.
🇺🇦 Ukraina prezidenti Vladimir Zelenskiy esa, Tramp muzokaralarga qiziqishini yo‘qotmaganini ta’kidlagan.
🕊 Avvalroq Tramp Rossiya va Ukraina rahbarlari o‘rtasidagi uchrashuv tashabbusini ularning o‘ziga qoldirishni va AQSh vaqtincha aralashmasligini aytgandi.
🇫🇷 Fransiya prezidenti Emmanuel Makron esa, agar yaqin haftada oldinga harakat bo‘lmasa, Tramp Rossiyaning pozisiyasiga javobsiz qololmasligini ta’kidladi.
Maktablarda 1 sentyabrdan smartfondan foydalanish taqiqlanadi
Rossiya Qurolli Kuchlari "Azov" texnikalarini yo‘q qildi (video)
Rossiya tomonidan Ukrainada o‘tkazilgan maxsus harbiy operasiya uni zaiflashtirgani yo‘q"
