AQSh prezidenti Donald Tramp Qo‘shma Shtatlar Isroil bilan qo‘shma operasiyada Eronning raketa salohiyatining katta qismini yo‘q qilganini e’lon qildi.
Bu haqda Tramp Oq uyda nutq so‘zlab, kampaniyaning borishini bayon qildi.
"Raketalar yo‘q bo‘lib ketdi. Uchirish moslamalari yo‘q bo‘lib ketdi. Taxminan 60% va 64%", dedi Tramp va bugungi kunga qadar Eron dengiz flotining 24 ta kemasi yo‘q qilinganini qo‘shimcha qildi.
Uning so‘zlariga ko‘ra, Vashington Tehronga qaraganda harbiy harakatlarni davom ettirishga ko‘proq moyil: "Ular: "Qanday qilib kelishuvga erishamiz?" deyishadi. Men: "Siz biroz kechikdingiz", dedim.
AQSh prezidenti shuningdek, Eronga qarshi operasiya Yaqin Sharqda uzoq muddatli barqarorlikka olib kelishini ta’kidladi.
"Biz ko‘rayotgan harakatlar [Yaqin Sharq] mintaqasining uzoq muddatli barqarorligini, shuningdek, neft narxlari, fond bozori va boshqa barcha narsalarni sezilarli darajada yaxshilaydi", deb ta’kidladi Donald Tramp.
Avvalroq Oq uy rahbari ABC News telekanaliga bergan intervyusida Eronning tiklanishi uchun taxminan 10 yil kerak bo‘lishini aytgan edi.
Netanyaxu Isroildan qochib ketdi
Tezkor xabar: Eron AQSh bazalari tomon yangi avlod o‘ta og‘ir raketasini uchirdi
Eronning asosiy maqsadi nima?
