AQSh prezidenti Tehronga qarshi harbiy amaliyot o‘tkazilganiga qaramay, "yangi urushlar boshlamaslik" haqidagi saylovoldi va’dasini buzilgan deb hisoblamasligini ma’lum qildi.
NBC News telekanaliga bergan intervyusida jurnalist Kristen Uelker yangi urushlardan voz kechish Trampning 2015 yildan beri bergan asosiy va’dalaridan biri bo‘lganini eslatib, u ushbu va’dasini buzdimi-yo‘qmi deb so‘radi. Bunga javoban prezident Eronga qarshi harakatlar Tehronning yadroviy qurolga ega bo‘lishiga yo‘l qo‘ymaslik uchun zarur bo‘lganini ta’kidladi.
"Men o‘ta qudratli va juda xavfli davlatning yadroviy qurolga ega bo‘lishini to‘xtatishim kerak edi. Men dunyoga va mamlakatimizga xizmat ko‘rsatmoqdaman", — dedi u.
Yangi urushlar boshlamaslik va’dasi haqidagi takroriy savolga Tramp: "Birinchi navbatda, men urushlar umuman bo‘lmasligiga kafolat bermaganman", — deya javob qaytardi.
O‘zaro bahs paytida Tramp Uelkerni "katta liberal" deb ham atadi. U o‘zini "shunchaki jurnalist" ekanini aytib e’tiroz bildirganida, prezident amerikaliklar uning qarorlariga ishonishini va Eron tahdidini uzil-kesil yo‘q qilmoqchi ekanligini bildirdi.
"Men buni yoki muzokaralar orqali amalga oshiraman — biz kelishuvga juda yaqinmiz, yoki ochig‘ini aytganda, ularga hujum qilib kulini ko‘kka sovuraman. Bu hatto osonroq yo‘l", — dedi Tramp. Shu bilan birga, u hozirgi ziddiyatni "cheksiz urush" deb hisoblamasligini qo‘shimcha qildi.
2026 yil yozda Markaziy Osiyo mamlakatlarida anomal darajada kuchli yog‘ingarchiliklar kuzatilishi mumkin
Million rossiyalik mamlakatni tark etdi
O‘zbekiston – Niderlandiya o‘rtoqlik o‘yini Nyu-Yorkda bo‘lib o‘tadi
