Tramp ayni paytda Vashingtonga Milliy gvardiyani yo‘naltirmoqda

AQSh prezidenti Donald Tramp Vashington shahrida Milliy gvardiyani jalb etish niyatida ekanini va shahar polisiyasini federal nazoratga o‘tkazishini ma’lum qildi. Trampning aytishicha, bu choralar AQSh poytaxtidagi jinoyatchilik darajasini pasaytirish va uysizlik muammosini bartaraf etishga qaratilgan:

"Bugun — Kolumbiya okrugida ozodlik kuni, va biz poytaxtimizni o‘zimizga qaytaramiz. Hozir Vashingtondagi qatl etilganlar soni Kolumbiyaning Bogota shahridagidan ham yuqori. So‘nggi besh yil ichida avtomobil o‘g‘irligi ikki baravarga oshgan, qurolli avtomobil bosqini esa uch baravardan ham ko‘proqqa ko‘paygan", — dedi prezident.

Tramp shaharni “jinoyat, qon to‘kilish, tartibsizlik, qashshoqlik va boshqa illatlardan” himoya qilish niyatida ekanini ta’kidladi. Bugungi matbuot anjumanida u dunyo poytaxtlaridagi qatllar darajasi ko‘rsatilgan jadvalni taqdim etdi — unda Vashington katta farq bilan birinchi o‘rinda qayd etilgan.

📌 Milliy gvardiya — AQSh Qurolli Kuchlarining zahira bo‘linmasi hisoblanadi. Odatda u shtatlar nazoratida bo‘ladi, biroq favqulodda holatlarda AQSh prezidenti uni o‘z nazoratiga olishi mumkin.