Tramp: "AQShdagi hozirgi sog‘liqni saqlash tizimini dunyodagi eng yomoni"

AQSh prezidenti Donald Tramp shanba kuni hukumatning yopilishi fonida mumkin bo‘lgan murosaga erishishni taklif qilib, respublikachilarni hozirda Obamacare bo‘yicha sug‘urta kompaniyalariga ajratilayotgan federal mablag‘larni to‘g‘ridan-to‘g‘ri fuqarolarga yo‘naltirishga chaqirdi.

Tramp bu haqda ijtimoiy tarmoqdagi sahifasida yozgan.

"Men respublikachi senatorlarga Obamacare doirasida ko‘rsatilayotgan yomon tibbiy yordamni saqlab qolish uchun parazit sug‘urta kompaniyalariga yo‘naltirilayotgan yuzlab milliard dollarlarni to‘g‘ridan-to‘g‘ri odamlarga yuborishni tavsiya qilaman, shunda ular ancha yaxshi tibbiy xizmatni sotib olishlari va pulga ega bo‘lishlari mumkin", deyiladi postda. U, shuningdek, AQShning hozirgi sog‘liqni saqlash tizimini "dunyodagi eng yomoni" deb atadi.

G‘arb ommaviy axborot vositalarining ta’kidlashicha, Trampning ijtimoiy tarmoqlardagi izohlari AQSh Senatining qayta yig‘ilishidan bir necha soat oldin, juma kuni AQSh tarixidagi eng uzoq hukumat yopilishi paytida yuz minglab federal ishchilarga to‘lovlarni tiklaydigan qonun loyihasi rad etilganidan keyin kelgan.

Hukumatni qayta ochish tartibi bo‘yicha qonunchilar hamon turlicha. Demokratlar yil oxirigacha 24 million amerikalik uchun muddati tugaydigan sog‘liqni saqlash sohasiga subsidiyalarni moliyalashtirish to‘g‘risidagi qonun loyihasiga kiritishni talab qilmoqdalar, respublikachilar esa Kongress birinchi navbatda moliyalashtirish to‘g‘risidagi qonun loyihasini hech qanday cheklovlarsiz qabul qilishi va shundan keyingina hukumatni qayta ochishi va boshqa muammolarni hal qilishi kerakligini ta’kidlamoqda.