Ushbu mablag‘ni OpenAI, SoftBank va Oracle kabi kompaniyalari investisiya qiladi. Tramp ushbu qo‘shma korxona Stargate deb nomlanishini e’lon qildi va uni "sun’iy intellekt infratuzilmasi tarixdagi eng yirik loyihasi" deb atadi.
"Stargate sun’iy intellektning zamonaviy avlodini qo‘llab-quvvatlash uchun jismoniy va virtual infratuzilma quradi, jumladan, butun mamlakat bo‘ylab ma’lumotlarni qayta ishlash markazlari tashkil etiladi", deb xabar bermoqda CNN.
Oracle rahbari Larri Ellisonning aytishicha, shunday markazlardan birinchisi hozirda Texasda qurilyapti. Stargate loyihasi 100 mingdan ortiq odamni ish bilan ta’minlashi kutilyapti.
"Menimcha, bu davrimizning eng muhim loyihasi bo‘ladi. Biz buni sizsiz amalga oshira olmasdik, janob prezident," — dedi OpenAI bosh direktori Sem Altman Tramp bilan uchrashuvda.
