Tramp AQSh va Eron o‘rtasidagi muzokaralarning navbatdagi bosqichi yaqin ikki kun ichida Pokistonda bo‘lib o‘tishi mumkinligini aytdi

Tramp AQSh va Eron o‘rtasidagi muzokaralarning navbatdagi bosqichi yaqin ikki kun ichida Pokistonda bo‘lib o‘tishi mumkinligini aytdi.

"Siz, haqiqatan ham, Pokistonda qolishingiz kerak, chunki yaqin ikki kun ichida nimadir yuz berishi mumkin va biz u yerga borish niyatidamiz. Katta ehtimol bilan, biz u yerga qaytamiz", — dedi AQSh prezidenti The New York Post gazetasiga Eron bilan muzokaralar jarayoni haqida gapirar ekan.

Tramp Islomobodda muzokaralar o‘tkazilish ehtimoli ortib borayotgani, bu jumladan, Pokiston armiyasi Bosh shtabi boshlig‘i feldmarshal Asim Munirning faol roli tufayli ekanini ta’kidladi.

"Buning ehtimoli yuqori, bilasizmi nega? Chunki feldmarshal o‘z ishini a’lo darajada uddalamoqda", — deya qo‘shimcha qildi AQSh prezidenti.