Kreml Putin reytingining pasayishidan xavotirda

Kreml Putin reytingining pasayishidan xavotirlanib, internet cheklovlariga bo‘lgan yondashuvni qayta ko‘rib chiqmoqda — Bloomberg.

.Agentlik suhbatdoshlarining so‘zlariga ko‘ra, Rossiya Federal xavfsizlik xizmatining (FXX) internet tarmog‘i ustidan nazoratni kuchaytirishga bo‘lgan intilishi ba’zi yuqori martabali rossiyalik amaldorlarni internetga kirishni taqiqlash bilan bog‘liq siyosiy va iqtisodiy xavf-xatarlar haqida ogohlantirishga undagan.

"Bu repressiv choralarni sekinlashtirib, Rossiyada Telegram'ning ishlashda davom etishiga imkon berishi mumkin", — deydi agentlik manbalari.

Rossiya prezidenti matbuot kotibi Dmitriy Peskov Bloomberg'ning ushbu xabarga izoh berish borasidagi so‘roviga javob bermadi.