Tramp AQSh Grenlandiyani qo‘lga kiritishiga ishonch bildirdi va harbiy kuch ishlatishni ham istisno qilmadi

"Biz Grenlandiyani olamiz. Bunga 100% ishonaman", — dedi AQSh prezidenti NBC telekanaliga bergan intervyusida.

Trampning so‘zlariga ko‘ra, buni harbiy kuch ishlatilmasdan amalga oshish ehtimoli yuqori. Biroq u "hech narsani kun tartibidan chiqarib tashlamasligini" ta’kidladi.
Orolning anneksiya qilinishi Rossiyaga qanday signal berishi haqida so‘ralganda, Tramp bunga "parvo qilmasligini" aytdi.

"Men bu haqda o‘ylamayman. Men uchun bu mutlaqo boshqa masala, umuman boshqa mavzu," — deya qo‘shimcha qildi Tramp.