Tramp AQSh bayrog‘ini yoqqanlarni jazolashni taklif qilmoqda

AQSh prezidenti Donald Tramp Los-Anjelesdagi norozilik namoyishchilari harakatlarini keskin tanqid qildi va ularni milliy ramzlar hamda jamoat tartibiga hurmatsizlikda aybladi.

«Ular boshqa davlatlarning bayroqlarini g‘urur bilan ko‘tarib yurishadi, ammo Amerikanikini ko‘tarmaydi. Aksincha, uni yoqishadi. AQSh bayrog‘ini yoqqanlar bir yilga ozodlikdan mahrum etilishi kerak», — dedi Tramp Shimoliy Karolina shtatidagi Fort-Bregg harbiy bazasida o‘tgan marosimda.

U namoyishchilarning harakatlarini mutlaqo nomaqbul deb atab, tartibni tiklash bo‘yicha choralar ko‘rganini aytdi. Trampning so‘zlariga ko‘ra, Kaliforniya hukumati «noloyiq» va «noyo‘naltiruvchi» bo‘lib qolgan.